Солонгосын ерөнхийлөгч асан амиа хорлов

5 сар 23rd, 2009

Жилийн өмнө блог дээрээ Солонгосын ерөнхийлөгч  асан Roh Moo-Hyunы жирийн амьдралын хэв маягийн талаар хальт дурьдаж байсан билээ.

Өнөөдөр (2009.05.23) тэрбээр хадан хясаанаас унаж амиа хорложээ.(үнэхээр амиа хорлочихов уу хэн нэгэн хүн хаднаас түлхчихэв үү…)

DPA

(түүний үхэлтэй холбогдуулан сонинууд тусгай дугаар гаргажээ)

Police, wearing blue jackets, stand guard in front of the Bonghwa mountain, where Roh Moo-hyun is believed to have died (23 May 2009)

Ерөнхийлөгчийн албан тушаалаасаа огцорсоныхоо дараа өөрийн төрсөн жижигхэн тосгондоо очин амьдрах болсон тэрбээр өөрийн вэб хуудастай, түүндээрээ өөрийн энгийн амьдралын талаар бичдэг байсан бөгөөд олны анхаарал хүндэтгэлийг ихээр хүлээж авчээ. (гаднаа гяланцаг дотороо паланцаг байв уу эцсийн эцэст?)
Амиа хорлохоосоо өмнө тэрбээр өөрийн комьпютертээ (?) захиа үлдээгээд амиа хорлох болсон шалтгаанаа: би олон хүний амьдралд зовлон учируулсан гэжээ.
Учир нь тэрбээр нэгэн бизнесмэнээс 6 сая долларын авилга авсан хэргээр шалгагдаж байсан байна. Түүнээс гадна түүний эхнэр,  төрлийн хүн зэрэг олон хүн нийтдээ 6 сая доллар хахуульд авсан гэж мөн шалгагдаж байгаа юм байна. Ерөнхийлөгч агсаны төрсөн ах саяхан авилгын хэрэгээр шүүхээс 5 жилийн хорих ял сонссон байна. Ерөнхийлөгч байх 2003-2008 оны хооронд хамтран ажиллаж байсан  олон арван ажилчид нь мөн хахуулийн хэрэгт орооцолдоод байгаа юм байна. Ер нь олоныг хамарсан томоохон хавтгайрсан авилга, хахуулийн хэрэг бололтой. Ерөнхийлөгч асан өөрийг нь авилгын хэрэгт огтоос хамаагүй гэдэг байжээ. Ерөнхийлөгч асан нас барсаны дараа түүний эсрэг үүсгэсэн хавтаст хэрэгийг хаалаа.
Roh Moo Hyung ядуу айлаас гаралтай ба ямар ч их сургуульд суралцаж байгаагүй юм байна. Өмгөөлөгч болохын тулд өөрөө бие дааж сурч, шалгалтыг нь өгч тэнцжээ. Ядуу айлын хүү улсын хамгийн өндөр албан тушаалд хүрсэн нь олны хүндэтгэлийг хүлээдэг байж. Өөрийгөө шударга, хээл хахуулиас ангид гэдгээрээ ихээхэн бахархдаг байжээ.
Миний сонирхолыг ихээхэн татаж буй зүйл өмнөд солонгосчуудын АМИА ХОРЛОЛТ.
Өмнөд солонгосчуудын амьдралаас талийх арга хэлбэрүүдийн дөрөвдүгээрт амиа хорлолт ордог байна. Өсвөр насны 4 500 хүүхдийн дунд хийсэн судалгаагаар 58 % нь амиа хорлох талаар нэг болон түүнээс дээш бодож байсан, 11% нь үнэхээр амиа хорлох гэж оролдсон гэсэн дүн гаргасан байна.
Яагаад өмнөд солонгосчууд ингэж ихээр амиа хорлодог вэ? Ихэнх нь гэр бүл, үерхэл нөхөрлөл зэргээс болдог бололтой. Миний бодолоор гэхдээ тухайн нийгэмийн зохион байгуулалт, баримталдаг үзэл бодолтой ихээхэн холбоотой байх. Нийгмийн дарамт их байдаг байхаа гэж бодном.
Миний мэдэхээр өнгөрсөн жил дарааллаад солонгосын олон алдартай жүжигчид, урлагийнхан амиа хорлосон. Сүүлдээ амиа хорлох моод гэж сонин хэвлэлээр хүртэл бичдэг болсон байх шиг байсан.
Хамгийн сүүлд өнгөрсөн 4 сарын 28нд,  дөнгөж 24 настай жүжигчин Woo seung yeor амиа хорлосон байна(зураг нь доорх).

Korean actress Woo Seung-yeon suicide

Гэр бүлийнх нь түүнийг сэтгэл санааны хүнд хямралд ороод эмчилгээ хийлгэж байсан гэжээ. Ажил болон relationship ны олон асуудал дарамттай байсан бололтой.

Солонгосчуудыг хамагийн цочроосон амиа хорлолт бол алдарт жүжигчин Чой Жин Шилийн (доорх зураг) үхэл байсан. Ихэнх монголын үзэгчид түүнийг анддаггүй. Монголын олон телевизээр түүний тоглосон савангийн дууриуд байнга гардаг байсаныг санадаг юм.

Picture of Korean actress Choi Jin-sil who committed suicide in October 2008

Тэрбээр сэтгэлийн хүнд депрессэнд орсон, эмчилгээ хүртэл хийлгэж байж.

Сүүлийн 2 жил амиа хорлосон алдартай хүмүүсийн тоо үнэхээр өсчээ:

Late Korean actress Jang Ja-yun

Ahn Jae-hwan, 36, гэх нэгэн эрэгтэй жүжигчин, Kim Ji-hoo гэдэг эрэгтэй загвар өмсөгч, Jang Ja-yun гэдэг жүжигчин эмэгтэй (дээрх зураг)… одоо хуучин ерөнхийлөгч нь гээд үргэлжилсээр.

Амиа хорлолтын хувь өсөх болсон нь тухайн хүн, ялангуяа нийгэм, нийгмийн зохион байгуулалттай ихээхэн холбоотой.  Ямар нэгэн юм болохгүй байгаа, буруу замаар явж байгаагийн шинж гэж би боддог.

Зарим нэгэн хүн амиа хорлосон хүнийг бэртэгчин, амиа бодогч гэж буруутагдаг. Гэхдээ би тэгэж боддоггүй л дээ. Ямар ч хүн амьдралын төлөө эцсийн хүчээ өгдөг. Хүнд хүчир зовлонгоосоо гарах ямар ч гарц олж харахаа болижээ, эцэсийн аврал нь өөрийгөө егүүтгэх явдал байжээ гэж ойлгодог. Тэгэж бодохоор амиа егүүтгэсэн хүнийг их өрөвддөг юм. Хөөрхий ямар ч хүн байсан ямар их зовж байсан бол доо гэж.

Солонгос соёл, сэтгэхүйг мэдэхгүй, тэндэхийн амьдралын хэв маягийн талаар ойлголтгүй болохоор ямар нэгэн таамаглал өгөх нь зохимжгүй юм. Солонгосчууд  улс оронд нь юу  буруу яваад байгаа талаар ч санаа зовж байгаа байх.

Амиа егүүтгэсэн бүх талийгчидын хойноос залбирцгаая

Ум маани падмэ хум

posted by khishge at 16:57 & filed under Хүмүүс, Эдийн Засаг_Нийгэм |


3 Comments to “Солонгосын ерөнхийлөгч асан амиа хорлов”

  1. 5 сар 23rd, 2009 at 18:23
    xvv said:

    Ээ ум ма ни бад ми хум :( Зарим нэг нь үхэхгүй юмсан гээд эцсийн хүчээ шавхан шавхан зовсоор эмнэлэгийн орон дээр үерийн усанд автан бяцхан мөчрөөс зуурахаар самардан тэмүүлэх адил тэмцэн тэмцэн амьдралд хоргодон тэмүүлж байгаад нас барж байхад, зарим нь ингээд л өөрөө хүсээд л яваад өгөх юм даа…

    Нэгэнт л авилга авч байсан бол хүмүүст тэр их итгэлийг өгч, таалагдаж, тийм шоу тавих хэрэг юу байсан юм бол доо… Зүгээр л мөрөөрөө мөөмөө унжуулаад явж байхгүй…

    Ямар ч байсан нэг баярламаар зүйл нь ганцхан Монголын ерөнхийлөгч авилга аваад байдаг хорвоо бас биш л юм байна :p Японд бас саяхан нэг хуучин парламентийн гишүүн авилгын хэргээр баригдаад байсан… Өөрснөө албан тушаалд байх хугацаандаа бол баригддаггүй юм шиг байгаа юм…

    Бас Солонгос гэж нэг их хүсэж тэмүүлээд байхаар сайхан газар ч бас биш л бололтой…

    Амиа хорлолтын талаар би бас амиа бодогч, бэртэгчин гэж боддог,.. гэхдээ мэдэхгүй юм даа, нээрээ л бас тэр хүний оронд, тийм нийгэмд өсөөд, амьдраад явахаар ямар байдгийг мэдэхгүй л юм даа…

  2. 7 сар 27th, 2009 at 5:35
    wow gold said:

    Good post,This was exactly what I needed to read today! I am sure this has relevance to many of us out there.

  3. 9 сар 19th, 2009 at 17:43
    Ганхүү said:

    хайран хүмүүс

Leave a Reply

*
Та хүн (спам биш) гэдгээ батлахын тулд зурагт үзүүлсэн үгийг бичнэ үү.
Спамаас хамгаалах зураг