Блог дээрээ бичлэг бичээгүй маш удсан байна.

Хайрт дэлхий нэт дээрх уг блогоо бичихээ  зогсоогоод өөрийн

http://gunuhaanduguilan.blogspot.com/ блогтоо бичлэгүүдээ бичиж байхаар шийдэн, нүүлээ.

Үүнийг уншиж буй бүх хүмүүнд 2010 ондоо аз жаргалтай, эрүүл энх байж есөн бусын ерэн есөн хүсэлээс нь шинэ ондоо саадгүй сайн есөн хүсэл нь биелэх болтугай гэж ерөөе.

Update:

Аажим аажимаар блогийнхоо зарим нэг бичлэгийг устгав. Өнөөдөр анх миний блогт орж буй хүмүүн байвал миний бичлэгүүдийн тал хувийг л харж буй болно.

Доорх мэдээг оллоо. Эртний мэдээ байна

Монгол Улсын Засгийн газар, Бүгд Найрамдах Энэтхэг Улсын Засгийн газрын хооронд МУИС-д Буддын болон Санскрит судлалын төв байгуулах тухай санамж бичигт БСШУ-ы сайд Ө.Энхтүвшин, БНЭУ-аас манай улсад суугаа Онц бөгөөд бүрэн эрхт элчин сайд Гаури Шанкара нар өнөөдөр гарын үсэг зурлаа.
МУИС-ийн Буддын судлаач бэлтгэдэг мэргэжлийн ангийн оюутнуудад Санскрит хэл болон Энэтхэгийн Буддын филисофийн онол заах багш урьж ажиллуулах саналыг анх МУИС-иас БНЭУ-ын Элчин сайдад тавихад тэрээр зөвшөөрч, өөрийн холбогдох газарт уламжлан “Буддын болон Санскрит хэлний төв”-ийг байгуулахаар тохиролцсоны үндсэн дээр уг төвийг өнгөрсөн оны 5 сард МУИС дээр байгуулсан. Уг төв нь 2005 оны 9 сараас үйл ажиллагаагаа эхэлж, өнгөрсөн нэгдүгээр сард Энэтхэг улсаас санскрит хэлний багш доктор Ачютананда Даш ирж одоо сургалт нь жигдрээд байна.

Энэ санамж бичгийг байгуулснаар Монголын буддын судлалыг хөгжүүлэх, санскрит хэл сурах, судлахад чухал хувь нэмэр болохын зэрэгцээ хоёр орны шашин судлалын хамтын ажиллагааг хөгжүүлэхэд ихээхэн ач холбогдолтой юм.

эх сурвалж:

http://www.education.mn/index.php?option=com_content&task=view&id=158&Itemid=48

Олон жилийн өмнө Монголоос ээжийгээ ирэхэд  Цэвэлийн бүтээсэн Монгол хэлний товч тайлбар толийг захиж авчируулсан билээ. Хааяахан хэрэг болдог юм. Уг толийг онлайн болгох сайн дурын ажилд миний бие хэдэн зуун үг бичиж саяхан нэмэр болов.  Одоо дэлхийн хаана ч байсан интернэтээр Цэвэлийн толийг сөхөж харах боломжтой болсон. Дараах хаяг руу http://toli.query.mn/

Өөрийнхөө толийг эргүүлэн үзэж байтал нэгэн сонины хайчилбар дундаас нь гарч ирэв. Дөрөв тавдугаар ангидаа байхдаа, 90 ээд оны эхээр л ямар нэгэн сониноос хайчлаад түүнийгээ цаасанд дээр наагаад уг тольны завсар хавчуулсан байна.Миний нагац эгч зөндөө олон дэвтэр дүүрэн сонины хайчилбартай, би тэрийг нь дуурайн бас хайчилж цуглуулдаг байж билээ. хэхэхэ, тэр хайчилбаруудаа хэрэглэж байсанаа ганц ч санахгүй байна. Энэ л анхны тохиолдол болж байх шиг байна.

Тэр цаасаа хаях гэсэнээ цааргалаад, эхлээд текстийг блог дээрээ бичин хадгалж үлдээд хаяхаар шийдлээ.  Хүмүүст ч хэрэг болох байх. Google ээр цагаан сарын идээ будаа бэлтгэх гээд хайгаад ирэх ч юм бил үү.

БИТҮҮН

Битүүний орой бууз жигнэж, банш чанаж, мөн шөлтэй будаа хийж гурав тогоолон айл хөршийнхөндөө хүүхэд багачуудаар бууз, банш хүргүүлдэг. Бууз, баншиндаа цагаан мөнгө хийж, таарсан хүн нь ирэх жилд олз омогтой явахыг бэлгэшээх ёс бий. Мөн хүүхэд багчуулд махаар хувь хишиг хүртээнэ. Битүүний орой “Сайхан битүүлцгээж байна уу” гэсэн өлзий бэлгэтэй сайн үгс хэлэлцдэг ёстой. Битүүлгийн идээ будаанаас цадтал идэж ууж гүйцсэний эцэст үлгэр тууль хайлах, шагайгаар алаг мэлхий өрөх, морь, тэмээ уралдуулах, дөрвөн бэрх орхих, хорол зэндмэнэ эвлүүлэх зэргээр наадацгаадаг.

ИДЭЭ ЗАСАХ

Шинийн идээ ундааг их идээ, бага идээ, эсвэл цагаалга битүүлэг гэнэ. Их идээ нь том цар тавагт самнаа хавсай, ул (хэвийн) боов өрж, самар, сүүл, цоохор боов, саран боорцог, шар, цагаан тос, ааруул хурууд, бал бурам, чихэр, үзэм, чавгаар чимэглэсэн байна. Бага идээ нь багавтар няд тавагт зассан шүүс, залаатай богтос, дал дөрвөн өндөр зэргийг хэлнэ. Их идээ буюу цагаан сарын тавгийн идээг засахдаа хавсай буюу ул боовыг гурав, тав, долоо, ес давхарлан өрөх ёс буй. Нэгэн айл гэр, ураг төрлийн дээдэс болсон өвөг юм уу эцгийн гэрийн идээг засахдаа өвгийнх долоон давхар, эцгийн гэрийн идээг таван давхар, ураглаж хуримласан хүүгийн гэрийн идээг гурван давхар засна.

ЦАЙ, ИДЭЭ АМСАХ

Шинэлэх, цагаалахаар айлд очоод гэрийн эзэгтэйн аягалж барьсан цайг хоёр гараараа дэмнэн барьж хүндэтгэл үзүүлдэг. Цайнаасаа нэг, хоёр оочоод гэрийн эзэн таваг тавихад цайгаа зөөлөн тавиад хоёр гараараа тавагтайг идээг авна. Тавагтай идээ ширээн дээр байгаа бол зочин хоёр гарынхаа алгыг дээш харуулж дунд хурууныхаа өнцгөөр тавагтай идээнээс амсахдаа урьдаар солгой гарынхаа алгыг дээш харуулан дунд хурууныхаа өнцгөөр идээний дороос хүрч зөв гараараа идээнээс амсах ёстой.

Дараах мэдээг бараг 6-н сард, зун уншсан юм. Бидний оршин буй дэлхий байгаль маань маш хурдацтай өөрчилөгдөж байна гэдэг бол одоо хэн бүхэн өөрийн биеэрээ мэдэрч эхлээд байгаа гэж бодном. Гэхдээ энэ өөрчилөлт дөнгөж эхэлж байгаа мэт. Ирээдүй хожид юу болохыг мэдэх хүн алга. Ямар ч байсан уг өөрчилөлт өргөн хүрээтэй явагдаж байгаа гэдэгийг хүн болгон мэдэж байх нь зүйтэй гэж бодоод уншсан зүйлээ тоймлоё:

The Cloud Appreciation Society гэх үүлийн сайхан, гоёыг магтан биширч, түүний ашиг тусыг таниулан сурталчилах гэх мэт зорилготой нэгэн байгууллага байдаг юм байна. Хүмүүс гайхах байх л даа, яагаад тийм “хэрэггүй”  нийгэмлэг байдаг байна аа гэж. Баруун болон хойд европт үүлэрхэг, бүрхэг, бороотой, дүнсгэр өдөрүүд ихтэй. Намар, өвөлдөө бол үүлэрхэг, харанхуй өдөрүүд дарааллаад удаан үргэлжилэх нь элбэг байдаг. Бороотой, манантай нэг тийм дүнсгэр.  Тиймээс эндэхийн хүмүүс үүлэрхэг бүрхэг өдөрт дуртай байх нь ховор бөгөөд зарим нь үзэн яддаг ч байх.  Манай монголын шороон шуургатай жихүүн өдөрүүдэд хүмүүс дургүй байдагтай адил юм уу даа. Энэ талаас нь бодвол иймэрхүү нийгэмлэг байх нь мэдээжийн зүйл. Уг нийгэмлэгийн вэб хуудасруу дэлхийн өнцөг булан бүрээс үүлний фото зураг, өөрийн зохиосон шүлэг дуу гээд л зүйлийг явуулдаг байна. Хүлээж авсан үүлний зурагуудаа нийгэмлэгийнхэн ангилаж,  ямар үүл болохыг нь тогтоодог байна.

Уг нийгэмлэгийн үндэслэгч Gavin Pretor-Pinney 2005 оноос  ямар ч ангилалд хамрагдахгүй байгаа үүлний зурагуудыг хүлээж авах болж. Тэдгээр фото нь дэлхийн өнцөг булан бүрээс жишээ нь Шотландаас, Шинэ Зеландаас, АНУаас ирсэн. 2009 оны зун Pretor Pinney эдгээр нь шинэ төрөлийн үүлс  гэж үзэж  Undulatus asperatus гэсэн нэр өгөхөөр шийдэн НҮБын дэргэдэх Дэлхийн  Цаг Уурын  байгууллагат  (World Meteorological Organization) шинэ төрөлийн үүлсийг бүртгүүлэхээр хандсан байна. Уг байгууллага үүлсийг ангилаж, шинжлэж, шинэ төрөл гэдгийг тогтоож  нэр өгдөг.

Ямар үүлний зурагууд вэ?

Undulatus asperatus гэдэг нь эмх замбараагүй, хүчтэй давалгаан хэлбэр гэсэн утгатай. Эдгээр үүлийг харвал далайн дотороос түүний гадаргуу руу харж буй мэт сэтгэгдэл төрж буй учираас ийм нэр өгөхөөр шийдэж.

Дэлхийн цаг уурын байгууллага хамагийн сүүлд 1950 аад онд шинэ үүлний төрлийг бүртгэсэн бөгөөд дээрх үүлс үнэхээр шинэ үүлний төрөл бол 60 н жилийн дараа бүртгэгдсэн анхны хэлбэр болох юм.

Үүлний хэлбэр, төрх, байдал бидэнд цаг агаар, уур амьсгалын талаар маш их мэдээлэлийг өгдөг. Тиймээс эдгээр төрөлийн үүлс бидэнд юу хэлж байна вэ? гэж эрдэмтэд асууж хэлэлцэж байгаа юм байна. Дэлхий даяар явагдаж байгаа уур амьсгалын өөрчлөлтийн илрэл үү, энэ төрөлийн үүлс эргээд дэлхийн цаг агаарт сайнаар муугаар ямар нөлөө үзүүлэх вэ…

Анх энэ мэдээг уншаад эдгээр зургуудыг үзээд нэг их сайхан санагдаагүйг хэлэх хэрэгтэй. Хэрэв миний дээр иймэрхүү үүлс байсан бол сэтгэл санаа тавгүй, дээр юм дараад байгаа юм шиг л санагдах байсан байх. Ямар ч байсан иймэрхүү үүлийг аймшигийн эсвэл сүйрэл сөнөлтэй кинонд л хардаг. Матрикс кино дээр гардаг байхаа бас?

Dailymail сонины сэтгэгдэл дээр энэ үүлний талаар нэгэн хүн ингэж бичжээ

These clouds are truly amazing but something about them gives me the shivers, they seem like a warning in the sky.

Аюулын дохио мэт гэж хэлсэн дээрх хүнтэй санал нэгдэж байна.

За ямар ч байсан ирээдүйд уур амьсгал хэрхэн өөрчилөгдөхийг харж л сууя.

Дээшээ тэнгэр лүү, доошоо газар хөрсрүү харж явахад илүүдэхгүй байхаа!, бидний амьдрал тэднээс хамааралтай болохоор.

Сүүлийн жилүүдэд Германд олигтой өвөл болохоо бараг байсан. Цас ч орох нь багассан. Эсвэл гэнэт их цас, эсвэл цасгүй саарал харанхуй өдөрүүд үргэлжилдэг. Дээр нь өвөлийн уртыг хэлэх үү! Монголд ч аль хэдийн цас ороод эхэлсэн сурагтай.

Илүү дэлгэрэнгүй мэдэхийг хүсвэл  дараах хаягууд руу:

http://cloudappreciationsociety.org/

http://news.nationalgeographic.com/news/2009/06/photogalleries/new-cloud-pictures/photo2.html

http://www.dailymail.co.uk/sciencetech/article-1189877/The-cloud-Meteorologists-campaign-classify-unique-Asperatus-clouds-seen-world.html#ixzz0MUdQ3gUs

http://www.telegraph.co.uk/science/science-news/5411412/New-type-of-cloud-found.html

Brunello Cucinelli гэдэг италийн ноолууран хувцасны компани энэ улиралын сурталчилгаандаа монголд авсан  зурагыг сонгосон байсаныг нэгэн сэтгүүл үзэж байгаад олж харлаа.

Зураг нь их л өнгөлөг, амьдралтай харагдана.

http://www.brunellocucinelli.it/index.php?id_pagina=42

Нэг найзынхаа авсан фотог түүний зөвшөөрөлтэйгээр энд тавьлаа.

Манай монгол улсын хөгжил, дэвшилийн талаар. Хүмүүсийн хөдөлмөрийн тухай фото.

Дор бүрнээ чадах чадах зүйлээ хийнэ. Өөрийн хөдөлмөр хүчээр сайн сайхан амьдарч байгаа нэгэн ч байна, өрөөлийг сорж амьдрагчид ч хаа сайгүй.

Дээрх зураг дээр Улаанбаатар хотын хаа нэгтэй бүтээн байгуулалт явагдана. Хотын хаа нэгтэй нэгэн иргэн өөрийн бяцхан дэлгүүрийнхээ өмнө шинэ зам тавьж байна.

Харамсалтай нь дараах зурагийг харвал хаанаас материалаа авсан нь тодорхой.

Дижитал фото камер гараагүй, хальсаар зураг авдаг байсан үед гэрэл зураг бодит байдалыг л харуулдаг гэж их ярьдаг байлаа.

Гэхдээ одоо байдал огт өөр болжээ. Өнөө үед дижитал камераар авсан зурагаа фотошоп болон элдэв янзын программаар нэмж хасч, засч янзалж, сайхан муухай болгоод ёстой тамыг нь үздэг болсон үе.

Зар сурталчилгаа, кино телевиз, сонин сэтгүүл, улс төр, урлаг спорт гээд гэрэл зураг хэрэглэдэггүй газар өнөө үед байхгүй.

Хэдэн жилийн өмнө америкын гадаад хэрэгийн сайд Паул иракруу дайрах нь зүйтэй хар! иракчуудын цөмийн зэвсэгийн үйлдвэрийн зурагийг агаараас авлаа гээд л ярьж гарсан. Дэлхий нийтээрээ л түүнд итгэж байлаа. Дараа нь тэд худалаа ярьсан нь мэдэгдсэн.

Саяхан иранчууд агаарын пуужин ракет туршлаа хэмээн дэлхийн том мэдээлэлийн сувагуудаар цацсан. Гэтэл тэр нь зүгээр л фотошопоор зассан зураг болох нь батлагдсан (доорх зураг)

Төр захиргаа, цэрэг зэвсэг, эдийн засагийн хэмжээнд худал зураг хөрөг, схем ашиглаад дууссангүй.

Сонин сэтгүүл, интернэтээр дүүрэн зассан гэрэл зурагууд.

Жишээ нь доорх сэтгүүлийн нүүр байна: Уг нь нүүрэн дээр гарсан бүсгүй үнэн хэрэгтээ доош хараад, зовхи нь нүдийг нь хаасан байтал сэтгүүлийнхэн оронд нь том бүлтийсэн нүд наачихсан байна o_O

Фотошоп ашигладагаараа алдартай салбар бол хувцас загварын сурталчилгааны салбарынхан.

Гоё хувцас, сайхан нүүр будалт, сайн модель тэдэнд хангалтгүй. Моделийнхоо гар хөлийг хэт туранхай, чөрчинхий, өгзөг ташааг том, нүд амыг нь томруулж жижигрүүлнэ, арьсны үрчилгээ батга сэвх сорвийг нь алга болгоно гээд маш их засвар хийдэг.

Засварт орсон моделийн зурагийг гэнэн хонгор охид эмэгтэйчүүд хараад өөрсөдийгөө тэдэнтэй адилхан болгох гэж үйл тамаа эдлэнэ. Даанч харж байгаа гэрэл зураг нь худал гэдэгийг мэдэхгүй юм даа.

жишээлбэл доорх зурагийг харсан жирийн үзэгч сайн анзаарахгүй ямар сайхан урт нарийнхан хөлтэй эмэгтэй вэ гэж бодно. Гэтэл сайн харвал засвартай зураг байгаа нь мэдэгдэнэ. Хөл нь байж боломгүй туранхай, байж боломгүй шув шулуун.

Дараагийн зурагийг харвал эхлээд нэг их анзаарагдахгүй. Сайн харвал зүүн гуяыг зассан байгаа. Цаашлаад арьс гэдэс гээд юуг нь зассан бол яаж мэдлээ. Энэ зураг л гэхэд нэр хүндтэй Vogue сэтгүүлийн (USA Vogue), нэр хүндтэй зурагчины (Steven Meisel), нэр хүндтэй моделийн (N.Vodianova) зураг шүү дээ.

Блогтоо шинээр нэгэн бүлэг нэмлээ.

Энд тэнд интэрнэтээр явж байгаад сонин содон, уншууштай үзүүштэй вэб хуудас олвол блогтоо бичиж байна.

Энэ бүлэгийн анхны бичлэг гэрэл зурагтай холбоотой.

АНУын Life гэрэл зурагийн сэтгүүл өөрийн архивт байгаа арван сая, тоогоор бичвэл 10,000,000 фотог Гүүгэлтэй хамтарч интэрнэтэд тавьж байгаа юм байна. Эхний ээлжинд 20% тавьсан байгаа аж. 1860 оноос хойш 100н жилийн фото архив.

Үзсэн гэрэл зурагаа үнэлэж болно, мөн худалдан авч болох бололтой. Фото болгон тайлбартай.

Гүүгэл зураг хайгч талбарт source:life гэж бичихэд уг сэтгүүлийн зурагнууд гарч ирэх юм. source:life гээд ард нь mongolia гэж бичээд хайвал манай монгол улстай холбоотой ховор сонин, хэвлэгдэж үзэгдэж байгаагүй зураг нилээн их байна.

Ямар ч байсан хэдэн сая зураг хаа нэгтэй тоосонд дарагдаж хэвтэхээ болих нь ээ.

Ийшээ орж үзээрэй

life foto archive hosted by Google:

http://images.google.com/hosted/life

доорх зураг үнэхээр гоё зураг байна. Энэ хүүхэд том хүний хажууд өөдөсийн чинээ харагдаж байна ^_^

Wow!

Орчин үеийн техник технологи гэж! Иргэний нисэх онгоц дотороосоо хамагийн том, хамагийн орчин үеийнх болох A380 цуврал онгоцын боломжийг ээ. Цонхон талд суугаагүй зорчигч суудалынхаа өмнөх дэлгэцнээсээ шууд гадаах байдалыг харж болдог юм байна. Онгоцны сүүлэнд байрлуулсан камераар харах нь ээ, Cool!

эх сурвалж

http://sonnyphotos.typepad.com/sonny/2009/07/index.html